ye kis ka jalwa-e-hairat-faza nigah mein hai

ye kis kā jalva-e-hairat-fazā nigāh meñ hai

ki pā-e-shauq guzargāh-e-mehr-o-māh meñ hai

hazār manzil-e-rāh-e-junūñ tamām huī

hazār manzil-e-ahl-e-junūñ nigāh meñ hai

bulandiyoñ se guzar kar ḳhirad kā haal na pūchh

bas ik ġhubār-e-tahayyur liye nigāh meñ hai

azīz-tar tirī bāteñ ki is sukūt ke saath

tamām shoḳhī-e-lafz-o-bayāñ nigāh meñ hai

faroġh-e-jalva-e-ummīd terī umr darāz

siyāh raat hai sar par sahar nigāh meñ hai

kis ehtimām se hai āmad-e-urūs-e-sahar

ki āhaToñ kā tarannum tamām raah meñ hai

kahāñ hai tāb-e-nazar ahl-e-dil kī mahfil meñ

kise majāl-e-suḳhan un kī bārgāh meñ hai

ye kis ka jalwa-e-hairat-faza nigah mein hai

ki pa-e-shauq guzargah-e-mehr-o-mah mein hai

hazar manzil-e-rah-e-junun tamam hui

hazar manzil-e-ahl-e-junun nigah mein hai

bulandiyon se guzar kar KHirad ka haal na puchh

bas ek ghubar-e-tahayyur liye nigah mein hai

aziz-tar teri baaten ki is sukut ke sath

tamam shoKHi-e-lafz-o-bayan nigah mein hai

farogh-e-jalwa-e-ummid teri umr daraaz

siyah raat hai sar par sahar nigah mein hai

kis ehtimam se hai aamad-e-urus-e-sahar

ki aahaTon ka tarannum tamam rah mein hai

kahan hai tab-e-nazar ahl-e-dil ki mahfil mein

kise majal-e-suKHan un ki bargah mein hai