ye kis ne kaha tum kuch karo baaten na banao insha-ji
Interesting Fact
Ibn-e-Insha passed away within a month after writing ''Insha ji uTho ab kuuch karo". Qateel’s poem referring to Ibn e insha, deepens our grief over the latter's untimely demise.
ye kis ne kahā tum kuuch karo bāteñ na banāo inshā-jī
ye shahr tumhārā apnā hai ise chhoḌ na jaao inshā-jī
jitne bhī yahāñ ke baasī haiñ sab ke sab tum se pyaar kareñ
kyā un se bhī muñh pheroge ye zulm na Dhaao inshā-jī
kyā soch ke tum ne sīñchī thī ye kesar kyārī chāhat kī
tum jin ko hañsāne aa.e the un ko na rulāo inshā-jī
tum laakh siyāhat ke ho dhanī ik baat hamārī bhī maano
koī jā ke jahāñ se aatā nahīñ us des na jaao inshā-jī
bikhrāte ho sonā harfoñ kā tum chāñdī jaise kāġhaz par
phir in meñ apne zaḳhmoñ kā mat zahr milāo inshā-jī
ik raat to kyā vo hashr talak rakkhegī khulā darvāze ko
kab lauT ke tum ghar aaoge sajnī ko batāo inshā-jī
nahīñ sirf 'qatīl' kī baat yahāñ kahīñ 'sāhir' hai kahīñ 'ālī' hai
tum apne purāne yāroñ se dāman na chuḌāo inshā-jī
ye kis ne kaha tum kuch karo baaten na banao insha-ji
ye shahr tumhaara apna hai ise chhoD na jao insha-ji
jitne bhi yahan ke basi hain sab ke sab tum se pyar karen
kya un se bhi munh pheroge ye zulm na Dhao insha-ji
kya soch ke tum ne sinchi thi ye kesar kyari chahat ki
tum jin ko hansane aae the un ko na rulao insha-ji
tum lakh siyahat ke ho dhani ek baat hamari bhi mano
koi ja ke jahan se aata nahin us des na jao insha-ji
bikhraate ho sona harfon ka tum chandi jaise kaghaz par
phir in mein apne zaKHmon ka mat zahr milao insha-ji
ek raat to kya wo hashr talak rakkhegi khula darwaze ko
kab lauT ke tum ghar aaoge sajni ko batao insha-ji
nahin sirf 'qatil' ki baat yahan kahin 'sahir' hai kahin 'ali' hai
tum apne purane yaron se daman na chuDao insha-ji
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
