ye kya KHabar thi ki jab tum se dosti hogi
ye kya KHabar thi ki jab tum se dosti hogi
Harbans Lal Aneja 'jamaal'
MORE BYHarbans Lal Aneja 'jamaal'
ye kyā ḳhabar thī ki jab tum se dostī hogī
qadam qadam pe qayāmat sī ik khaḌī hogī
vahāñ pe gūñjtī hogī ḳhushī kī shahnā.ī
yahāñ to mayyat-e-armān uTh rahī hogī
jo be-ḳhabar hai abhī tak ḳhud apnī manzil se
to aise ḳhizr se kis tarah rahbarī hogī
banā ke ḳhaak se ḳhud ḳhaak meñ milā denā
ilāhī terī sharī.at meñ kuchh kamī hogī
shab-e-firāq raqīb aa ke de mujhe taskīñ
qasam ḳhudā kī ye sāzish bhī aap kī hogī
jigar ke ḳhuun se tar ho na jis kā sher koī
phir us ġhazal meñ bhalā ḳhaak dilkashī hogī
'jamāl' chhūT hī jā.egā zabt kā dāman
kamāl-e-jaur meñ un ke agar kamī hogī
ye kya KHabar thi ki jab tum se dosti hogi
qadam qadam pe qayamat si ek khaDi hogi
wahan pe gunjti hogi KHushi ki shahnai
yahan to mayyat-e-arman uTh rahi hogi
jo be-KHabar hai abhi tak KHud apni manzil se
to aise KHizr se kis tarah rahbari hogi
bana ke KHak se KHud KHak mein mila dena
ilahi teri shariat mein kuchh kami hogi
shab-e-firaq raqib aa ke de mujhe taskin
qasam KHuda ki ye sazish bhi aap ki hogi
jigar ke KHun se tar ho na jis ka sher koi
phir us ghazal mein bhala KHak dilkashi hogi
'jamal' chhuT hi jaega zabt ka daman
kamal-e-jaur mein un ke agar kami hogi
Source:
SAAZ-O-NAVA (Pg. 115)
-
- Publisher: Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
