ye kya ki sare diye raat-bhar jala na karen

ye kyā ki saare diye rāt-bhar jalā na kareñ

in āñdhiy.oñ se kaho aur kuchh bahāna kareñ

maiñ apne dasht ko niklā huuñ apnī ruuh ke saath

so shahr vaale mirā jism bhī ravāna kareñ

mire lahū meñ parinda jo par-fishāñ hai bahut

vo aa.eñ aur kisī din ise nishāna kareñ

ab aur kyā kareñ ḳhvāboñ se bhāgne vaale

yahī kareñ ki in āñkhoñ kā sāmnā na kareñ

ye kya ki sare diye raat-bhar jala na karen

in aandhiyon se kaho aur kuchh bahana karen

main apne dasht ko nikla hun apni ruh ke sath

so shahr wale mera jism bhi rawana karen

mere lahu mein parinda jo par-fishan hai bahut

wo aaen aur kisi din ise nishana karen

ab aur kya karen KHwabon se bhagne wale

yahi karen ki in aankhon ka samna na karen