ye kya paDi hai tujhe dil jalon mein baiThne ki

aabid umar

ye kya paDi hai tujhe dil jalon mein baiThne ki

aabid umar

MORE BYaabid umar

    ye kyā paḌī hai tujhe dil jaloñ meñ baiThne

    ye umr to hai miyāñ dostoñ meñ baiThne

    chhupā.ī jaatī nahīñ zardiyāñ so duur huuñ maiñ

    vagarna hotī hai ḳhvāhish guloñ meñ baiThne

    shumār merā bhī karte haiñ log in meñ magar

    mirī majāl kahāñ shā.iroñ meñ baiThne

    abhī na uñglī uThā mujh pe thoḌī mohlat de

    tamīz siikh rahā huuñ baḌoñ meñ baiThne

    mujhe badal ke koī aur banā diyā hai

    ki intihā hai ye sūrat-garoñ meñ baiThne

    dikhā rahe haiñ tavātur se ḳhāmiyāñ merī

    bhagat rahā huuñ sazā ā.inoñ meñ baiThne

    nahīñ majāl kisī ki muntashir kar de

    banā chuke haiñ jo aadat safoñ meñ baiThne

    ḳhazāne luTte raheñge ye ḳhālī hone tak

    ujaaḌ degī ye aadat gharoñ meñ baiThne

    ḳhudā atā kare ohda baḌā ġharīb ko aur

    badal sake na vo ḳhū naukaroñ meñ baiThne

    ḳhushāmadī nahīñ rakhtā hai apne kaam se kaam

    to kyā paḌī hai tujhe afsaroñ meñ baiThne

    ye dil scan karānā bahut zarūrī hai

    ki ittilā.a hai tire dhaḌkanoñ meñ baiThne

    hayāt sū-e-adam le ke rahī haiñ 'umar'

    jo ādateñ haiñ ga.e mausamoñ meñ baiThne

    ye kya paDi hai tujhe dil jalon mein baiThne ki

    ye umr to hai miyan doston mein baiThne ki

    chhupai jati nahin zardiyan so dur hun main

    wagarna hoti hai KHwahish gulon mein baiThne ki

    shumar mera bhi karte hain log in mein magar

    meri majal kahan shairon mein baiThne ki

    abhi na ungli uTha mujh pe thoDi mohlat de

    tamiz sikh raha hun baDon mein baiThne ki

    mujhe badal ke koi aur hi bana diya hai

    ki intiha hai ye surat-garon mein baiThne ki

    dikha rahe hain tawatur se KHamiyan meri

    bhagat raha hun saza aainon mein baiThne ki

    nahin majal kisi ki ki muntashir kar de

    bana chuke hain jo aadat safon mein baiThne ki

    KHazane luTte rahenge ye KHali hone tak

    ujaD degi ye aadat gharon mein baiThne ki

    KHuda ata kare ohda baDa gharib ko aur

    badal sake na wo KHu naukaron mein baiThne ki

    KHushamadi nahin rakhta hai apne kaam se kaam

    to kya paDi hai tujhe afsaron mein baiThne ki

    ye dil scan karana bahut zaruri hai

    ki ittilaa hai tere dhaDkanon mein baiThne ki

    hayat su-e-adam le ke ja rahi hain 'umar'

    jo aadaten hain gae mausamon mein baiThne ki

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY