ye kya tumhaare ji mein samai tamam-raat

ye kyā tumhāre jī meñ samā.ī tamām-rāt

gāloñ pe rakh ke so.e kalā.ī tamām-rāt

aḳhtar-shumāriyoñ meñ guzar hī gayā junūn

maanā ke mujh ko niiñd na aa.ī tamām

dekhe jo chashm-e-zār ki sailāb-hā-e-ḳhūñ

yaad aa.e dast-o-pā-e-hinā.ī tamām-rāt

bistar kī ek ek shikan nok-e-ḳhār thī

karvaT badalte niiñd na aa.ī tamām-rāt

tasbīh le ke haath meñ zāhid ne sub.h kī

yaañ 'tāj' ham ne iid manā.ī tamām-rāt

ye kya tumhaare ji mein samai tamam-raat

galon pe rakh ke soe kalai tamam-raat

aKHtar-shumariyon mein guzar hi gaya junun

mana ke mujh ko nind na aai tamam

dekhe jo chashm-e-zar ki sailab-ha-e-KHun

yaad aae dast-o-pa-e-hinai tamam-raat

bistar ki ek ek shikan nok-e-KHar thi

karwaT badalte nind na aai tamam-raat

tasbih le ke hath mein zahid ne subh ki

yan 'taj' hum ne id manai tamam-raat