ye mere dil ka gharaunda hai TuT jaane ko

ye mere dil kā gharauñdā hai TuuT jaane ko

na aa.e koī yahāñ ab diyā jalāne ko

bas ek tere taġhāful kā kyā gila kartā

bahut the aur bhī mere mujhe satāne ko

ye Tuut jaate sabhī qufl ḳhud-baḳhud dil ke

tū lūTne ko nikaltā to is ḳhazāne ko

tamām 'umr jalā huuñ usī kī lapToñ meñ

kabhī to aayā thā jis aag ke bujhāne ko

ḳhudā ne loch diyā hī kahāñ use itnā

hameñ hī jaanā paḌegā use manāne ko

mizāj terā hī dushman hai 'aks tere kā

qusūr-vār likhe tū magar zamāne ko

tirā to rūThnā bhī rā.egāñ gayā 'nirmal'

na aayā koī tujhe aaj tak manāne ko

ye mere dil ka gharaunda hai TuT jaane ko

na aae koi yahan ab diya jalane ko

bas ek tere taghaful ka kya gila karta

bahut the aur bhi mere mujhe satane ko

ye Tut jate sabhi qufl KHud-baKHud dil ke

tu luTne ko nikalta to is KHazane ko

tamam 'umr jala hun usi ki lapTon mein

kabhi to aaya tha jis aag ke bujhane ko

KHuda ne loch diya hi kahan use itna

hamein hi jaana paDega use manane ko

mizaj tera hi dushman hai 'aks tere ka

qusur-war likhe tu magar zamane ko

tera to ruThna bhi raegan gaya 'nirmal'

na aaya koi tujhe aaj tak manane ko