ye mere dil ki wusat hai kahan tak

ye mere dil kī vus.at hai kahāñ tak

zamīñ se le ke hadd-e-āsmāñ tak

tumhārā husn hai kaun-o-makāñ tak

kalī se gul se har ik gulsitāñ tak

terī ulfat ne mujh ko kyā banāyā

'atā kī hai hayāt-e-jāvedāñ tak

kidhar pe barq sargardāñ phirī hai

pahuñch paa.ī na mere āshiyāñ tak

sunā.e dāstāñ ġhairoñ kī aksar

na aa.ī apnī hī hālat zabāñ tak

tere jaisā na koī dekh paayā

nigāh-e-shauq phir aatī jahāñ tak

pareshāñ ho ke ālām-e-jahāñ se

ham aa.e aaj tere āstāñ tak

'nasīm' aisā mirā hāl-e-junūñ hai

hai is kā silsila sūd-o-ziyāñ tak

ye mere dil ki wusat hai kahan tak

zamin se le ke hadd-e-asman tak

tumhaara husn hai kaun-o-makan tak

kali se gul se har ek gulsitan tak

teri ulfat ne mujh ko kya banaya

'ata ki hai hayat-e-jawedan tak

kidhar pe barq sargardan phiri hai

pahunch pai na mere aashiyan tak

sunae dastan ghairon ki aksar

na aai apni hi haalat zaban tak

tere jaisa na koi dekh paya

nigah-e-shauq phir aati jahan tak

pareshan ho ke aalam-e-jahan se

hum aae aaj tere aastan tak

'nasim' aisa mera haal-e-junun hai

hai is ka silsila sud-o-ziyan tak