ye misra kash naqsh-e-har-dar-o-diwar ho jae

Jigar Moradabadi

ye misra kash naqsh-e-har-dar-o-diwar ho jae

Jigar Moradabadi

MORE BYJigar Moradabadi

    ye misra.a kaash naqsh-e-har-dar-o-dīvār ho jaa.e

    jise jiinā ho marne ke liye tayyār ho jaa.e

    vahī mai-ḳhvār hai jo is tarah mai-ḳhvār ho jaa.e

    ki shīsha toḌ de aur be-piye sarshār ho jaa.e

    dil-e-insāñ agar shā.ista-e-asrār ho jaa.e

    lab-e-ḳhāmosh-fitrat lab-e-guftār ho jaa.e

    har ik be-kār hastī ba-rū-e-kār ho jaa.e

    junūñ rūh-e-ḳhvābīda agar bedār ho jaa.e

    sunā hai hashr meñ har aañkh use be-parda dekhegī

    mujhe Dar hai na tauhīn-e-jamāl-e-yār ho jaa.e

    harīm-e-nāz meñ us rasā.ī ho to kyūñkar ho

    ki jo āsūda zer-e-sāya-e-dīvār ho jaa.e

    ma.āz-allāh us vārdāt-e-ġham ma.āz-allāh

    chaman jis vatan ho aur chaman-be-zār ho jaa.e

    yahī hai zindagī to zindagī se ḳhud-kushī achchhī

    ki insāñ ālam-e-insāniyat par baar ho jaa.e

    ik aisī shaan paidā kar ki bātil thartharā uTThe

    nazar talvār ban jaa.e nafas jhankār ho jaa.e

    ye roz o shab ye sub.h o shaam ye bastī ye vīrāna

    sabhī bedār haiñ insāñ agar bedār ho jaa.e

    ye misra kash naqsh-e-har-dar-o-diwar ho jae

    jise jina ho marne ke liye tayyar ho jae

    wahi mai-KHwar hai jo is tarah mai-KHwar ho jae

    ki shisha toD de aur be-piye sarshaar ho jae

    dil-e-insan agar shaista-e-asrar ho jae

    lab-e-KHamosh-fitrat hi lab-e-guftar ho jae

    har ek be-kar si hasti ba-ru-e-kar ho jae

    junun ki ruh-e-KHwabida agar bedar ho jae

    suna hai hashr mein har aankh use be-parda dekhegi

    mujhe Dar hai na tauhin-e-jamal-e-yar ho jae

    harim-e-naz mein us ki rasai ho to kyunkar ho

    ki jo aasuda zer-e-saya-e-diwar ho jae

    maaz-allah us ki wardat-e-gham maaz-allah

    chaman jis ka watan ho aur chaman-be-zar ho jae

    yahi hai zindagi to zindagi se KHud-kushi achchhi

    ki insan aalam-e-insaniyat par bar ho jae

    ek aisi shan paida kar ki baatil tharthara uTThe

    nazar talwar ban jae nafas jhankar ho jae

    ye roz o shab ye subh o sham ye basti ye virana

    sabhi bedar hain insan agar bedar ho jae

    RECITATIONS

    Nomaan Shauque

    Nomaan Shauque

    Nomaan Shauque

    ye misra kash naqsh-e-har-dar-o-diwar ho jae Nomaan Shauque

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY