ye nam mumkin nahin rahega maqam mumkin nahin rahega
ye naam mumkin nahīñ rahegā maqām mumkin nahīñ rahegā
ġhurūr lahje meñ aa gayā to kalām mumkin nahīñ rahegā
ye barf-mausam jo shahr-e-jāñ meñ kuchh aur lamhe Thahar gayā to
lahū kā dil kī kisī galī meñ qayām mumkin nahīñ rahegā
tum apnī sāñsoñ se merī sāñseñ alag to karne lage ho lekin
jo kaam āsāñ samajh rahe ho vo kaam mumkin nahīñ rahegā
vafā kā kāġhaz to bhiig jā.egā bad-gumānī kī bārishoñ meñ
ḳhatoñ kī bāteñ to ḳhvāb hoñgī payām mumkin nahīñ rahegā
ye ham mohabbat meñ lā-ta.alluq se ho rahe haiñ tū dekh lenā
duā.eñ to ḳhair kaun degā salām mumkin nahīñ rahegā
ye nam mumkin nahin rahega maqam mumkin nahin rahega
ghurur lahje mein aa gaya to kalam mumkin nahin rahega
ye barf-mausam jo shahr-e-jaan mein kuchh aur lamhe Thahar gaya to
lahu ka dil ki kisi gali mein qayam mumkin nahin rahega
tum apni sanson se meri sansen alag to karne lage ho lekin
jo kaam aasan samajh rahe ho wo kaam mumkin nahin rahega
wafa ka kaghaz to bhig jaega bad-gumani ki barishon mein
KHaton ki baaten to KHwab hongi payam mumkin nahin rahega
ye hum mohabbat mein la-talluq se ho rahe hain tu dekh lena
duaen to KHair kaun dega salam mumkin nahin rahega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
