ye pairahan jo meri ruh ka utar na saka

Fahmida Riaz

ye pairahan jo meri ruh ka utar na saka

Fahmida Riaz

MORE BYFahmida Riaz

    ye pairahan jo mirī ruuh utar na sakā

    to naḳh-ba-naḳh kahīñ paivast resha-e-dil thā

    mujhe ma.āl-e-safar malāl kyūñ-kar ho

    ki jab safar mirā fāsloñ dhokā thā

    maiñ jab firāq rātoñ meñ us ke saath rahī

    vo phir visāl ke lamhoñ meñ kyuuñ akelā thā

    vo vāste tirā darmiyāñ bhī kyuuñ aa.e

    ḳhudā ke saath mirā jism kyuuñ na ho tanhā

    sarāb huuñ maiñ tirī pyaas kyā bujhā.ūñgī

    is ishtiyāq se tishna zabāñ qarīb na

    sarāb huuñ ki badan yahī shahādat hai

    har ek uzv meñ bahtā hai ret dariyā

    jo mere lab pe hai shāyad vahī sadāqat hai

    jo mere dil meñ hai us harf-e-rā.egāñ pe na

    jise maiñ toḌ chukī huuñ vo raushnī tilism

    shuā-e-nūr-e-azal ke sivā kuchh aur na thā

    ye pairahan jo meri ruh ka utar na saka

    to naKH-ba-naKH kahin paiwast resha-e-dil tha

    mujhe maal-e-safar ka malal kyun-kar ho

    ki jab safar hi mera faslon ka dhoka tha

    main jab firaq ki raaton mein us ke sath rahi

    wo phir visal ke lamhon mein kyun akela tha

    wo waste ki tera darmiyan bhi kyun aae

    KHuda ke sath mera jism kyun na ho tanha

    sarab hun main teri pyas kya bujhaungi

    is ishtiyaq se tishna zaban qarib na la

    sarab hun ki badan ki yahi shahadat hai

    har ek uzw mein bahta hai ret ka dariya

    jo mere lab pe hai shayad wahi sadaqat hai

    jo mere dil mein hai us harf-e-raegan pe na ja

    jise main toD chuki hun wo raushni ka tilism

    shua-e-nur-e-azal ke siwa kuchh aur na tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY