ye qissa-e-gham-e-dil hai to bankpan se chale

ye qissa-e-ġham-e-dil hai to bāñkpan se chale

kisī nigāh pe Thahre kisī badan se chale

na jaane kis ke karam se khile kalī dil kī

sumūm-e-dasht se uTThe sabā chaman se chale

vo aa.e dil meñ to yuuñ jaise shaam kā taara

misāl-e-māh sitāroñ kī anjuman se chale

fasāne chāk-e-garebāñ ke paḌ ga.e phīke

junūñ kī baat kabhī tere pairahan se chale

hujūm-e-sub.h kī tanhā.iyoñ meñ Duub ga.e

vo qāfile jo añdheroñ kī anjuman se chale

ye qissa-e-gham-e-dil hai to bankpan se chale

kisi nigah pe Thahre kisi badan se chale

na jaane kis ke karam se khile kali dil ki

sumum-e-dasht se uTThe saba chaman se chale

wo aae dil mein to yun jaise sham ka tara

misal-e-mah sitaron ki anjuman se chale

fasane chaak-e-gareban ke paD gae phike

junun ki baat kabhi tere pairahan se chale

hujum-e-subh ki tanhaiyon mein Dub gae

wo qafile jo andheron ki anjuman se chale