ye raaz kis se bataun ye baat kis se kahun

ye raaz kis se batā.ūñ ye baat kis se kahūñ

hadīs-e-shauq kā unvāñ hai ek harf-e-junūñ

ġhubār-e-rāh ko manzil kā naam duuñ kaise

ḳhizāñ ko sub.h-e-bahārāñ maiñ kis tarah samjhūñ

jab e.atibār nahīñ ḳhud nigāh par apnī

maiñ kam-nigāhī-e-sāqī kā zikr kaise karūñ

tamām umr isī intizār meñ guzrī

maiñ un se harf-e-tamannā abhī kahūñ na kahūñ

adā adā meñ kisī kī payām-o-shauq-o-talab

nazar nazar meñ kisī kī fasāna-o-afsūñ

na ham-jalīs hī rahbar na ham-qadam raahī

maiñ kis ko ḳhizr kahūñ kis ko rāzdāñ samjhūñ

chaman ko luuT rahe haiñ chaman ke rakhvāle

koī batā.e maiñ sāz-e-bahār kyā chheḌūñ

ye raaz kis se bataun ye baat kis se kahun

hadis-e-shauq ka unwan hai ek harf-e-junun

ghubar-e-rah ko manzil ka nam dun kaise

KHizan ko subh-e-bahaaran main kis tarah samjhun

jab eatibar nahin KHud nigah par apni

main kam-nigahi-e-saqi ka zikr kaise karun

tamam umr isi intizar mein guzri

main un se harf-e-tamanna abhi kahun na kahun

ada ada mein kisi ki payam-o-shauq-o-talab

nazar nazar mein kisi ki fasana-o-afsun

na ham-jalis hi rahbar na ham-qadam rahi

main kis ko KHizr kahun kis ko raazdan samjhun

chaman ko luT rahe hain chaman ke rakhwale

koi batae main saz-e-bahaar kya chheDun