ye rishta-e-jaan meri tabahi ka sabab hai

ye rishta-e-jāñ merī tabāhī kā sabab hai

is qaid se chhuTne kī tamannā bhī 'ajab hai

is arsa-e-mahshar meñ ḳhamoshī bhī sadā hai

TuuTī huī qabroñ meñ baḌā shor-o-sha'ab hai

sūraj ko ye zid us kī ki ik buuñd na rah jaa.e

hoñToñ ko faqat pyaas bujhāne kī talab hai

chehre pe thakan saañs kī zanjīr pareshāñ

āñkhoñ meñ magar ab bhī vahī ġhaiz-o-ġhazab hai

kyuuñ dil ko ye hasrat hai kisī aur ko paale

is shahr meñ mujh sā koī pahle thā na ab hai

ye rishta-e-jaan meri tabahi ka sabab hai

is qaid se chhuTne ki tamanna bhi 'ajab hai

is arsa-e-mahshar mein KHamoshi bhi sada hai

TuTi hui qabron mein baDa shor-o-sha'ab hai

suraj ko ye zid us ki ki ek bund na rah jae

honTon ko faqat pyas bujhane ki talab hai

chehre pe thakan sans ki zanjir pareshan

aankhon mein magar ab bhi wahi ghaiz-o-ghazab hai

kyun dil ko ye hasrat hai kisi aur ko pale

is shahr mein mujh sa koi pahle tha na ab hai