ye sare KHubsurat jism abhi mar jaane wale hain

Farhat Ehsas

ye sare KHubsurat jism abhi mar jaane wale hain

Farhat Ehsas

MORE BY Farhat Ehsas

    ye saare ḳhūbsūrat jism abhī mar jaane vaale haiñ

    magar ham ishq vaale bhī kahāñ baaz aane vaale haiñ

    haqīqat hameñ kyā ilm sachchā.ī se kyā matlab

    hamāre jitne bhī ma.ashūq haiñ afsāne vaale haiñ

    hameñ masjid se kyā jhagḌā magar bas ek mushkil hai

    ki us or ke sab rāste mai-ḳhāne vaale haiñ

    nafī sālsī darkār hai jo faisla kar de

    ki ham allāh-miyāñ vaale haiñ but-ḳhāne vaale haiñ

    chalo gumrāhiyoñ ruī bhar lo apne kānoñ meñ

    sunā hai shaiḳh-sāhab aaj kuchh farmāne vaale haiñ

    tum apne jism ātish-kada kholo ki ham suufī

    usī aag le kar ruuh ko garmāne vaale haiñ

    agarche 'farhat-ehsās' apnā majnūñ shahr vaalā hai

    par us ke ishq ke andāz sab vīrāne vaale haiñ

    ye sare KHubsurat jism abhi mar jaane wale hain

    magar hum ishq wale bhi kahan baz aane wale hain

    haqiqat ka hamein kya ilm sachchai se kya matlab

    hamare jitne bhi mashuq hain afsane wale hain

    hamein masjid se kya jhagDa magar bas ek mushkil hai

    ki us ki or ke sab raste mai-KHane wale hain

    nafi ki salsi darkar hai jo faisla kar de

    ki hum allah-miyan wale hain ya but-KHane wale hain

    chalo gumrahiyon ki rui bhar lo apne kanon mein

    suna hai shaiKH-sahab aaj kuchh farmane wale hain

    tum apne jism ka aatish-kada kholo ki hum sufi

    usi ki aag le kar ruh ko garmane wale hain

    agarche 'farhat-ehsas' apna majnun shahr wala hai

    par us ke ishq ke andaz sab virane wale hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY