ye sab kahne ki baaten hain ki aisa ho nahin sakta
ye sab kahne kī bāteñ haiñ ki aisā ho nahīñ saktā
mohabbat meñ jo dil mil jaa.e phir kyā ho nahīñ saktā
shikāyat ho nahīñ saktī ki shikvā ho nahīñ saktā
zarā sā chheḌ de koī to phir kyā ho nahīñ saktā
burā.ī kā evaz hargiz bhalā.ī ho nahīñ saktī
burā kah kar kisī ko koī achchhā ho nahīñ saktā
hamārā un kā qissa log sunte haiñ to kahte haiñ
mazā hai hashr tak yaksū ye jhagḌā ho nahīñ saktā
kareñ terī shikāyat kyā ki tū ik dost hai apnā
kisī dushman kā bhī ham se to shikvā ho nahīñ saktā
ilāhī jazb-e-dil kī is kashish se baaz aayā maiñ
koī parda-nashīñ kahtā hai parda ho nahīñ saktā
'hafīz' un kī ġhazal hai choT khā baiThī haiñ jo dil par
baġhair is ke suḳhan meñ lutf paidā ho nahīñ saktā
ye sab kahne ki baaten hain ki aisa ho nahin sakta
mohabbat mein jo dil mil jae phir kya ho nahin sakta
shikayat ho nahin sakti ki shikwa ho nahin sakta
zara sa chheD de koi to phir kya ho nahin sakta
burai ka ewaz hargiz bhalai ho nahin sakti
bura kah kar kisi ko koi achchha ho nahin sakta
hamara un ka qissa log sunte hain to kahte hain
maza hai hashr tak yaksu ye jhagDa ho nahin sakta
karen teri shikayat kya ki tu ek dost hai apna
kisi dushman ka bhi hum se to shikwa ho nahin sakta
ilahi jazb-e-dil ki is kashish se baz aaya main
koi parda-nashin kahta hai parda ho nahin sakta
'hafiz' un ki ghazal hai choT kha baiThi hain jo dil par
baghair is ke suKHan mein lutf paida ho nahin sakta
Source:
Diwan-e-Hafeez(Rekhta Website) (Pg. 10)
- Author: Hafeez Jaunpuri
-
- Edition: 1903
- Publisher: Matba Hakeem,Gorakhpur
- Year of Publication: 1903
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
