ye sach hai baham uski mohabbat bhi nahin thi
ye sach hai baham us kī mohabbat bhī nahīñ thī
aur tark marāsim hoñ ye himmat bhī nahīñ thī
us shaḳhs kī ulfat meñ giraftār ye dil thā
jis shaḳhs ko chhūne kī ijāzat bhī nahīñ thī
kuchh zaḳhm-e-tamannā ko na thā shauq-e-mudāvā
kuchh us ko masīhā.ī kī aadat bhī nahīñ thī
the rāh-e-mohabbat meñ paḌāv ka.ī lāzim
kyā kījiye ruknā mirī fitrat bhī nahīñ thī
jo ḳhvāb-e-shikasta ko atā hausla kartī
hāsil vo junūñ-ḳhez rifāqat bhī nahīñ thī
har-chand ki afsos bichhaḌne kā hameñ thā
lekin mileñ ham phir kabhī hasrat bhī nahīñ thī
vahshat meñ charāġhāñ meñ tire qurb se kartā
afsos mayassar ye suhūlat bhī nahīñ thī
kuchh rāste dushvār manāzil ke the aur kuchh
jazboñ meñ 'ḳhayāl' apne sadāqat bhī nahīñ thī
ye sach hai baham us ki mohabbat bhi nahin thi
aur tark marasim hon ye himmat bhi nahin thi
us shaKHs ki ulfat mein giraftar ye dil tha
jis shaKHs ko chhune ki ijazat bhi nahin thi
kuchh zaKHm-e-tamanna ko na tha shauq-e-mudawa
kuchh us ko masihai ki aadat bhi nahin thi
the rah-e-mohabbat mein paDaw kai lazim
kya kijiye rukna meri fitrat bhi nahin thi
jo KHwab-e-shikasta ko ata hausla karti
hasil wo junun-KHez rifaqat bhi nahin thi
har-chand ki afsos bichhaDne ka hamein tha
lekin milen hum phir kabhi hasrat bhi nahin thi
wahshat mein charaghan mein tere qurb se karta
afsos mayassar ye suhulat bhi nahin thi
kuchh raste dushwar manazil ke the aur kuchh
jazbon mein 'KHayal' apne sadaqat bhi nahin thi
Source:
Tujhe ky Maloom (Pg. 75)
- Author: Rafique Khayaal
-
- Edition: 2007
- Publisher: Alhamd Publications
- Year of Publication: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
