ye samundar hai kinare hi kinare jao

Kaleem Aajiz

ye samundar hai kinare hi kinare jao

Kaleem Aajiz

MORE BYKaleem Aajiz

    ye samundar hai kināre kināre jaao

    ishq har shaḳhs ke bas nahīñ pyāre jaao

    yuuñ to maqtal meñ tamāshā.ī bahut aate haiñ

    aao us vaqt ki jis vaqt pukāre jaao

    dil baazī lage phir jaan baazī lag jaa.e

    ishq meñ haar ke baiTho nahīñ haare jaao

    kaam ban jaa.e agar zulf-e-junūñ ban jaa.e

    is liye is ko sañvāro ki sañvāre jaao

    koī rasta koī manzil ise dushvār nahīñ

    jis jagah chāho mohabbat ke sahāre jaao

    ham to miTTī se ugā.eñge mohabbat ke gulāb

    tum agar toḌne jaate ho sitāre jaao

    Dūbnā hogā agar Dūbnā taqdīr meñ hai

    chāhe kashtī pe raho chāhe kināre jaao

    tum socho bhalā ye shauq koī shauq huā

    aaj ūñchā.ī pe baiTho kal utāre jaao

    maut se khel ke karte ho mohabbat 'ājiz'

    mujh ko Dar hai kahīñ be-maut na maare jaao

    ye samundar hai kinare hi kinare jao

    ishq har shaKHs ke bas ka nahin pyare jao

    yun to maqtal mein tamashai bahut aate hain

    aao us waqt ki jis waqt pukare jao

    dil ki bazi lage phir jaan ki bazi lag jae

    ishq mein haar ke baiTho nahin haare jao

    kaam ban jae agar zulf-e-junun ban jae

    is liye is ko sanwaro ki sanware jao

    koi rasta koi manzil ise dushwar nahin

    jis jagah chaho mohabbat ke sahaare jao

    hum to miTTi se ugaenge mohabbat ke gulab

    tum agar toDne jate ho sitare jao

    Dubna hoga agar Dubna taqdir mein hai

    chahe kashti pe raho chahe kinare jao

    tum hi socho bhala ye shauq koi shauq hua

    aaj unchai pe baiTho kal utare jao

    maut se khel ke karte ho mohabbat 'ajiz'

    mujh ko Dar hai kahin be-maut na mare jao

    RECITATIONS

    Kaleem Aajiz

    Kaleem Aajiz,

    Kaleem Aajiz

    ye samundar hai kinare hi kinare jao Kaleem Aajiz

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now