ye sanam bhī ghaTor kitne haiñ
but bane sun rahe haiñ jitne haiñ
sub.h-e-pīrī hai ġhāfilān-e-jahāñ
ḳhvāb-e-ḳhargosh meñ haiñ jitne haiñ
mauj-dar-mauj hai tabāhī meñ
dam-ba-ḳhud haiñ habāb jitne haiñ
bū-e-gul ho ki nik.hat-e-gul ho
ḳhāna-barbād haiñ ye jitne haiñ
turfa qātil hai jis ke morid-e-malḳh
be-chhurī haiñ halāl jitne haiñ
ḳhush-navā ye hai nāla-e-bulbul
hama-tan-gosh gul haiñ jitne haiñ
ai sanam tū vo hai nai-o-nāqūs
dam tirā bhar rahe haiñ jitne haiñ
har ravish-e-bāġh-e-dahr meñ gul-e-tar
dīda-e-mutazir haiñ jitne haiñ
ek maiñ kyā huuñ mahv-e-sūrat-e-sāf
hairatī aa.ine haiñ jitne haiñ
kul ġhazal ek qāfiya ai 'shād'
sher ma.ayūb haiñ ye jitne haiñ
ye sanam bhi ghaTor kitne hain
but bane sun rahe hain jitne hain
subh-e-piri hai ghafilan-e-jahan
KHwab-e-KHargosh mein hain jitne hain
mauj-dar-mauj hai tabahi mein
dam-ba-KHud hain habab jitne hain
bu-e-gul ho ki nikhat-e-gul ho
KHana-barbaad hain ye jitne hain
turfa qatil hai jis ke morid-e-malKH
be-chhuri hain halal jitne hain
KHush-nawa ye hai nala-e-bulbul
hama-tan-gosh gul hain jitne hain
ai sanam tu wo hai nai-o-naqus
dam tera bhar rahe hain jitne hain
har rawish-e-bagh-e-dahr mein gul-e-tar
dida-e-mutazir hain jitne hain
ek main kya hun mahw-e-surat-e-saf
hairati aaine hain jitne hain
kul ghazal ek qafiya ai 'shad'
sher mayub hain ye jitne hain
Source:
Sukhan-e-Bemisal: Deewan-e-Shad (pdf) and website (Pg. P-71 e-77 pdf-78)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.