ye sanam riwayat-o-naql ke hubal-o-manat se kam nahin

ye sanam rivāyat-o-naql ke hubal-o-manāt se kam nahīñ

terā fikr vā.iz-e-haq-navā kisī somnāt se kam nahīñ

kahīñ barq chamke maiñ jal uThūñ koī taarā TuuTe maiñ ro paḌūñ

ye dil-e-sitam-zada ham-nashīñ dil-e-kā.enāt se kam nahīñ

kahīñ rañg-o-nūr-e-jamāl hai kahīñ bīm-o-fikr-e-ma.āl hai

kahīñ shaam ġhairat-e-sub.h hai kahīñ din bhī raat se kam nahīñ

jise kahiye raqs-e-sharār-e-ġham vo agar ho shāmil-e-ġham to phir

ġham-e-dil ho yā ġham-e-zindagī ġham-e-kā.enāt se kam nahīñ

ye surūr 'aḳhtar'-e-dil-zada rajaz-e-bahār-o-shabāb hai

ye buland hotī huī fuġhāñ alam-e-hayāt se kam nahīñ

ye sanam riwayat-o-naql ke hubal-o-manat se kam nahin

tera fikr waiz-e-haq-nawa kisi somnat se kam nahin

kahin barq chamke main jal uThun koi tara TuTe main ro paDun

ye dil-e-sitam-zada ham-nashin dil-e-kaenat se kam nahin

kahin rang-o-nur-e-jamal hai kahin bim-o-fikr-e-maal hai

kahin sham ghairat-e-subh hai kahin din bhi raat se kam nahin

jise kahiye raqs-e-sharar-e-gham wo agar ho shamil-e-gham to phir

gham-e-dil ho ya gham-e-zindagi gham-e-kaenat se kam nahin

ye surur 'aKHtar'-e-dil-zada rajaz-e-bahaar-o-shabab hai

ye buland hoti hui fughan alam-e-hayat se kam nahin