ye shafaq sham ho rahi hai ab

Dushyant Kumar

ye shafaq sham ho rahi hai ab

Dushyant Kumar

MORE BYDushyant Kumar

    ye shafaq shaam ho rahī hai ab

    aur har gaam ho rahī hai ab

    jis tabāhī se log bachte the

    vo sar-e-ām ho rahī hai ab

    azmat-e-mulk is siyāsat ke

    haath nīlām ho rahī hai ab

    shab ġhanīmat thī log kahte haiñ

    sub.h badnām ho rahī hai ab

    jo kiran thī kisī darīche

    markaz-e-bām ho rahī hai ab

    tishna-lab terī phusphusāhaT bhī

    ek paiġhām ho rahī hai ab

    ye shafaq sham ho rahi hai ab

    aur har gam ho rahi hai ab

    jis tabahi se log bachte the

    wo sar-e-am ho rahi hai ab

    azmat-e-mulk is siyasat ke

    hath nilam ho rahi hai ab

    shab ghanimat thi log kahte hain

    subh badnam ho rahi hai ab

    jo kiran thi kisi dariche ki

    markaz-e-baam ho rahi hai ab

    tishna-lab teri phusphusahaT bhi

    ek paigham ho rahi hai ab

    Source :
    • Book : Saye mein dhoop (Pg. 56)
    • Author : Dushyant Kumar
    • Publication : Radha krishna Prakashan.Pvt.Ltd (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY