ye sitam bhi KHub Thahra lutf farmane ke baad

Syed Shiban Qadri

ye sitam bhi KHub Thahra lutf farmane ke baad

Syed Shiban Qadri

MORE BYSyed Shiban Qadri

    ye sitam bhī ḳhuub Thahrā lutf farmāne ke ba.ad

    jald jaane taqāzā der se aane ke ba.ad

    ik qalandar so gayā ham ko ye samjhāne ke ba.ad

    umr shikva na karnā umr Dhal jaane ke ba.ad

    aaj bhī is gul-badan ko DhūñDhtā phirtā huuñ maiñ

    ho gayā ruḳhsat jo mere dil ko mahkāne ke ba.ad

    dāstān-e-dil sabhī miltī jultī hai yahāñ

    chheḌ mat apnī kahānī us ke afsāne ke ba.ad

    ishq ke sahrā meñ haiñ saarī bahāreñ qais se

    koī dīvāna na dekhā aise dīvāne ke ba.ad

    itnā āsāñ bhī nahīñ hai ai qalam ke rustamo

    sub.h afsāna likhnā shab ke afsāne ke ba.ad

    umr saarī kaaT āvāragardī meñ yūñhī

    lauT kar aayā na maiñ ghar se nikal jaane ke ba.ad

    pai-ba-pai us ko pilātā huuñ mai-e-ishq-e-vafā

    hosh meñ aatā hai vo mad.hosh ho jaane ke ba.ad

    apnā ḳhūn-e-dil jo bhar dete haiñ naqsh-e-vaqt meñ

    zinda rahte haiñ vahī kirdār mar jaane ke ba.ad

    jhuuT oḌhe bhiiḌ meñ tum rahte āḳhir kab talak

    ho ga.e tanhā balā se sach ko apnāne ke ba.ad

    aaj shā.ir bhī ai 'shībān' tājir ho gayā

    jeb bhar kar rahā hai ik ġhazal gaane ke ba.ad

    ye sitam bhi KHub Thahra lutf farmane ke baad

    jald jaane ka taqaza der se aane ke baad

    ek qalandar so gaya hum ko ye samjhane ke baad

    umr ka shikwa na karna umr Dhal jaane ke baad

    aaj bhi is gul-badan ko DhunDhta phirta hun main

    ho gaya ruKHsat jo mere dil ko mahkane ke baad

    dastan-e-dil sabhi ki milti julti hai yahan

    chheD mat apni kahani us ke afsane ke baad

    ishq ke sahra mein hain sari bahaaren qais se

    koi diwana na dekha aise diwane ke baad

    itna aasan bhi nahin hai ai qalam ke rustamo

    subh ka afsana likhna shab ke afsane ke baad

    umr sari kaT di aawaragardi mein yunhi

    lauT kar aaya na main ghar se nikal jaane ke baad

    pai-ba-pai us ko pilata hun mai-e-ishq-e-wafa

    hosh mein aata hai wo madhosh ho jaane ke baad

    apna KHun-e-dil jo bhar dete hain naqsh-e-waqt mein

    zinda rahte hain wahi kirdar mar jaane ke baad

    jhuT oDhe bhiD mein tum rahte aaKHir kab talak

    ho gae tanha bala se sach ko apnane ke baad

    aaj ka shair bhi ai 'shiban' tajir ho gaya

    jeb bhar kar ja raha hai ek ghazal gane ke baad

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY