ye sochta hun charaghon ka ehtimam karun

ye sochtā huuñ charāġhoñ kā ehtimām karūñ

havā ko bhuuk lagī hai kuchh intizām karūñ

har ek saañs ragaḌ khā rahī hai siine meñ

aur aap kahte haiñ aahoñ pe aur kaam karūñ

abhī to dil kī qayādat meñ paañv nikle haiñ

talāsh-e-ishq ruke to kahīñ qayām karūñ

ḳhatā-muāf magar itnā be-adab bhī nahīñ

baġhair dil kī ijāzat tumheñ salām karūñ

faqīr-e-ishq huuñ kashkol-e-dil meñ hasrat hai

gadāgarī kā mahāsil bhī tere naam karūñ

mire junūn ko sahrā hī jhel saktā hai

kahīñ jo shahr meñ niklūñ to qatl-e-ām karūñ

ye sochta hun charaghon ka ehtimam karun

hawa ko bhuk lagi hai kuchh intizam karun

har ek sans ragaD kha rahi hai sine mein

aur aap kahte hain aahon pe aur kaam karun

abhi to dil ki qayaadat mein panw nikle hain

talash-e-ishq ruke to kahin qayam karun

KHata-muaf magar itna be-adab bhi nahin

baghair dil ki ijazat tumhein salam karun

faqir-e-ishq hun kashkol-e-dil mein hasrat hai

gadagari ka mahasil bhi tere nam karun

mere junun ko sahra hi jhel sakta hai

kahin jo shahr mein niklun to qatl-e-am karun