ye sunte hi KHushi se hum bhi pichhe aa gae hain

ye sunte hī ḳhushī se ham bhī pīchhe aa ga.e haiñ

vo saaf andāz meñ sab kuchh hameñ farmā ga.e haiñ

suhūlat se kinārā kar ke kār-e-ḳhair meñ bhī

sitam saare hamārī zaat par vo Dhā ga.e haiñ

ik aisā hādisa dar-pesh aayā thā yahāñ par

parinde hī nahīñ ashjār bhī ghabrā ga.e haiñ

bhulāne kā koī bhī rāsta chhoḌā nahīñ hai

are pāgal tire zehn-o-gumāñ par chhā ga.e haiñ

ḳhushī se toḌ yā mahfūz rakh marzī hai terī

khilaune haiñ tire hāthoñ meñ jo ham aa ga.e haiñ

faqat da.ave nahīñ tū jaan bhī detā hai ham par

tire naḳhre hameñ kuchh is sabab se bhā ga.e haiñ

ye sunte hi KHushi se hum bhi pichhe aa gae hain

wo saf andaz mein sab kuchh hamein farma gae hain

suhulat se kinara kar ke kar-e-KHair mein bhi

sitam sare hamari zat par wo Dha gae hain

ek aisa hadisa dar-pesh aaya tha yahan par

parinde hi nahin ashjar bhi ghabra gae hain

bhulane ka koi bhi rasta chhoDa nahin hai

are pagal tere zehn-o-guman par chha gae hain

KHushi se toD ya mahfuz rakh marzi hai teri

khilaune hain tere hathon mein jo hum aa gae hain

faqat dawe nahin tu jaan bhi deta hai hum par

tere naKHre hamein kuchh is sabab se bha gae hain