ye surKH lafz meri zat se nikalte hain

ye surḳh lafz mirī zaat se nikalte haiñ

ki she'r shiddat-e-jazbāt se nikalte haiñ

ye āñkheñ laal gulābī yūñhī nahīñ hotīñ

diloñ ke dard to hālāt se nikalte haiñ

hamāre ḳhvāb to raushan tumhāre naam se haiñ

hazār rang ḳhayālāt se nikalte haiñ

ye din ke saare ujāle kahāñ se aate haiñ

kisī ne Thiik kahā raat se nikalte haiñ

tumhāre haath kī lambā.ī aur baḌh jaa.e

bahut se kaam to sadqāt se nikalte haiñ

vafā kī raah meñ sunnat hai sabr-e-ayyūbī

salām zulf kī ḳhairāt se nikalte haiñ

tumhāre haath kī 'azmat ko chūmte haiñ ham

hamāre qad to isī haath se nikalte haiñ

hamāre muñh meñ tumhārī zabān rakkhī hai

ye mīThe ras inhīñ naġhmāt se nikalte haiñ

zamāna rang badaltā hai ġham na kar 'ulfat'

sunahre pal bhī to lamhāt se nikalte haiñ

ye surKH lafz meri zat se nikalte hain

ki she'r shiddat-e-jazbaat se nikalte hain

ye aankhen lal gulabi yunhi nahin hotin

dilon ke dard to haalat se nikalte hain

hamare KHwab to raushan tumhaare nam se hain

hazar rang KHayalat se nikalte hain

ye din ke sare ujale kahan se aate hain

kisi ne Thik kaha raat se nikalte hain

tumhaare hath ki lambai aur baDh jae

bahut se kaam to sadqat se nikalte hain

wafa ki rah mein sunnat hai sabr-e-ayyubi

salam zulf ki KHairaat se nikalte hain

tumhaare hath ki 'azmat ko chumte hain hum

hamare qad to isi hath se nikalte hain

hamare munh mein tumhaari zaban rakkhi hai

ye miThe ras inhin naghmat se nikalte hain

zamana rang badalta hai gham na kar 'ulfat'

sunahre pal bhi to lamhat se nikalte hain