ye tabiat hai to KHud aazar ban jaenge hum

ye tabī.at hai to ḳhud āzār ban jā.eñge ham

chāragar ro.eñge aur ġham-ḳhvār ban jā.eñge ham

ham sar-e-chāk-e-vafā haiñ aur tirā dast-e-hunar

jo banā degā hameñ ai yaar ban jā.eñge ham

kyā ḳhabar thī ai nigār-e-sher tere ishq meñ

dilbarān-e-shahr ke dildār ban jā.eñge ham

saḳht-jāñ haiñ par hamārī ustuvārī par na jā

aise TūTeñge tirā iqrār ban jā.eñge ham

aur kuchh din baiThne do kū-e-jānāñ meñ hameñ

rafta rafta sāya-e-dīvār ban jā.eñge ham

is qadar āsāñ na hogī har kisī se dostī

āshnā.ī meñ tirā me.aar ban jā.eñge ham

'mīr' o 'ġhālib' kyā ki ban paa.e nahīñ 'faiz' o 'firāq'

zo.am ye thā 'rūmī' o 'attār' ban jā.eñge ham

ye tabiat hai to KHud aazar ban jaenge hum

chaaragar roenge aur gham-KHwar ban jaenge hum

hum sar-e-chaak-e-wafa hain aur tera dast-e-hunar

jo bana dega hamein ai yar ban jaenge hum

kya KHabar thi ai nigar-e-sher tere ishq mein

dilbaran-e-shahr ke dildar ban jaenge hum

saKHt-jaan hain par hamari ustuwari par na ja

aise TuTenge tera iqrar ban jaenge hum

aur kuchh din baiThne do ku-e-jaanan mein hamein

rafta rafta saya-e-diwar ban jaenge hum

is qadar aasan na hogi har kisi se dosti

aashnai mein tera mear ban jaenge hum

'mir' o 'ghaalib' kya ki ban pae nahin 'faiz' o 'firaq'

zoam ye tha 'rumi' o 'attar' ban jaenge hum