ye tajraba bhi karun ye bhi gham uThaun main

Mazhar Imam

ye tajraba bhi karun ye bhi gham uThaun main

Mazhar Imam

MORE BYMazhar Imam

    ye tajraba bhī karūñ ye bhī ġham uThā.ūñ maiñ

    ki ḳhud ko yaad rakhūñ us ko bhuul jā.ūñ maiñ

    usī se pūchh ke dekhūñ vo merā hai ki nahīñ

    ab aur kitnā fareb-e-jamāl khā.ūñ maiñ

    vo be-libās sahī jāma-zeb kitnā hai

    mah-e-ḳhayāl ko poshāk kyā pahnā.ūñ maiñ

    vo pul kahāñ hai jo duniyā se joḌtā thā mujhe

    jo qarīb ho sab se qarīb aa.uuñ maiñ

    kabhī to ho mire ehsās-e-kam-tarī meñ kamī

    kabhī to ho ki use khul ke yaad aa.uuñ maiñ

    vo shaḳhs hai ki nasīm-e-sahar jhoñkā hai

    bikhar jā.ūñ jo us ko gale lagā.ūñ maiñ

    azaañ ke ba.ad duā ko jo haath uThā.e vo

    'imām' apnī namāzeñ bhī bhuul jā.ūñ maiñ

    ye tajraba bhi karun ye bhi gham uThaun main

    ki KHud ko yaad rakhun us ko bhul jaun main

    usi se puchh ke dekhun wo mera hai ki nahin

    ab aur kitna fareb-e-jamal khaun main

    wo be-libas sahi jama-zeb kitna hai

    mah-e-KHayal ko poshak kya pahnaun main

    wo pul kahan hai jo duniya se joDta tha mujhe

    jo tu qarib ho sab se qarib aaun main

    kabhi to ho mere ehsas-e-kam-tari mein kami

    kabhi to ho ki use khul ke yaad aaun main

    wo shaKHs hai ki nasim-e-sahar ka jhonka hai

    bikhar hi jaun jo us ko gale lagaun main

    azan ke baad dua ko jo hath uThae wo

    'imam' apni namazen bhi bhul jaun main

    Videos
    This video is playing from YouTube

    Videos
    This video is playing from YouTube

    Hariharan

    Hariharan

    Source
    • Book : paalkii kahkashaa.n (Pg. 78)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY