ye tera iKHtiyar kari dushmani pasand

ye terā iḳhtiyār karī dushmanī pasand

mujh ko to mere yaar tirī dostī pasand

likhtī huuñ maiñ kahāniyāñ afsāne tabsire

lekin hai mere dil ko bahut shā.irī pasand

ġham ko to ishtihār banātī nahīñ huuñ maiñ

haañ hañstī-gātī mujh ko to hai zindagī pasand

makr-o-fareb jhuuT se rahtī maiñ duur huuñ

us ko bhī mere dil kī yahī sādgī pasand

tere sivā to koī bhī bhātā nahīñ mujhe

par tujh ko har kisī se hī hai dil-lagī pasand

terā koī bhī dosh nahīñ jāntī huuñ maiñ

terī talab hai ishq mujhe bandagī pasand

ḳhud ko kabhī 'shagufta' jī afzal na jāniye

logoñ ke saath rab ko bhī hai ājizī pasand

ye tera iKHtiyar kari dushmani pasand

mujh ko to mere yar teri dosti pasand

likhti hun main kahaniyan afsane tabsire

lekin hai mere dil ko bahut shairi pasand

gham ko to ishtihaar banati nahin hun main

han hansti-gati mujh ko to hai zindagi pasand

makr-o-fareb jhuT se rahti main dur hun

us ko bhi mere dil ki yahi sadgi pasand

tere siwa to koi bhi bhata nahin mujhe

par tujh ko har kisi se hi hai dil-lagi pasand

tera koi bhi dosh nahin jaanti hun main

teri talab hai ishq mujhe bandagi pasand

KHud ko kabhi 'shagufta' ji afzal na jaaniye

logon ke sath rab ko bhi hai aajizi pasand