ye tujhko hasrat-e-tamir-e-ashiyan kyon hai

ye tujh ko hasrat-e-tā'mīr-e-āshiyāñ kyoñ hai

tū mahv-e-silsila-e-sa'i-e-rā.egāñ kyoñ hai

kal apnī koshish-e-ahsan pe naaz thā tujh ko

ye aaj mātam-e-taḳhrīb-e-āshiyāñ kyoñ hai

nazar bhī kyoñ hai sharīk-e-jamāl-e-rū-e-dost

ye ik latīf sā parda bhī darmiyāñ kyoñ hai

ye zindagī hai kisī mā'siyat kā ḳhamyāza

tū is dayār meñ sharminda-e-fuġhāñ kyoñ hai

maiñ ye samajhne se qāsir huuñ aaj tak 'bismil'

mire nasīb meñ andoh-e-jāvedāñ kyoñ hai

ye tujh ko hasrat-e-ta'mir-e-ashiyan kyon hai

tu mahw-e-silsila-e-sa'i-e-raegan kyon hai

kal apni koshish-e-ahsan pe naz tha tujh ko

ye aaj matam-e-taKHrib-e-ashiyan kyon hai

nazar bhi kyon hai sharik-e-jamal-e-ru-e-dost

ye ek latif sa parda bhi darmiyan kyon hai

ye zindagi hai kisi ma'siyat ka KHamyaza

tu is dayar mein sharminda-e-fughan kyon hai

main ye samajhne se qasir hun aaj tak 'bismil'

mere nasib mein andoh-e-jawedan kyon hai