ye uski marzi ki main us ka intiKHab na tha

ye us kī marzī ki maiñ us kā intiḳhāb na thā

vagarna mere muqaddar meñ kyā janāb na thā

kuchh is liye tire gulshan se maiñ palaT aayā

tamām phuul vahāñ the magar gulāb na thā

bichhaḌte vaqt hamāre laboñ meñ chubhne lage

savāl aise ki jin kā koī javāb na thā

jise bhī chāhā use be-hisāb chāhā ki

hamāre dil meñ miyāñ sho.aba-e-hisāb na thā

gulū-e-ḳhushk se tīr-e-sitam ko toḌ diyā

ye bachpane kā thā aalam abhī shabāb na thā

maiñ ik zamāne meñ 'hāshim-razā' payambar thā

mohabbatoñ kā magar sāhib-e-kitāb na thā

ye us ki marzi ki main us ka intiKHab na tha

wagarna mere muqaddar mein kya janab na tha

kuchh is liye tere gulshan se main palaT aaya

tamam phul wahan the magar gulab na tha

bichhaDte waqt hamare labon mein chubhne lage

sawal aise ki jin ka koi jawab na tha

jise bhi chaha use be-hisab chaha ki

hamare dil mein miyan shoaba-e-hisab na tha

gulu-e-KHushk se tir-e-sitam ko toD diya

ye bachpane ka tha aalam abhi shabab na tha

main ek zamane mein 'hashim-raza' payambar tha

mohabbaton ka magar sahib-e-kitab na tha