ye zaKHm zaKHm badan aur nam fazaon mein
ye zaKHm zaKHm badan aur nam fazaon mein
Ram Awtar Gupta Muztar
MORE BYRam Awtar Gupta Muztar
ye zaḳhm zaḳhm badan aur nam fazāoñ meñ
bhaTak rahā huuñ liye iztirāb paañv meñ
ye be-lihāz nigāheñ ye ajnabī chehre
panap rahā hai koī shahr jaise gaañv meñ
bachā ke maut se insān ḳhud ko rakh letā
jo ghuñghrū hote kahīñ hādsoñ ke paañv meñ
ye ek roz hamārā vajūd Das legā
ugal rahe haiñ jo ye zahr ham havāoñ meñ
har ek pal mare ham phir bhī zindagī chāhī
ġhazab kashish rahī kam-baḳht kī adāoñ meñ
vo ghar banā ke bahāroñ kā lutf lete haiñ
jo tinkā tinkā jama.a karte haiñ ḳhizāoñ meñ
ye zaKHm zaKHm badan aur nam fazaon mein
bhaTak raha hun liye iztirab panw mein
ye be-lihaz nigahen ye ajnabi chehre
panap raha hai koi shahr jaise ganw mein
bacha ke maut se insan KHud ko rakh leta
jo ghunghru hote kahin hadson ke panw mein
ye ek roz hamara wajud Das lega
ugal rahe hain jo ye zahr hum hawaon mein
har ek pal mare hum phir bhi zindagi chahi
ghazab kashish rahi kam-baKHt ki adaon mein
wo ghar bana ke bahaaron ka lutf lete hain
jo tinka tinka jama karte hain KHizaon mein
Source:
Safeer-e-akhir-e-shab(Poetry) (Pg. 27)
- Author: Ram avtar gupta ''muztar''
-
- Edition: 2009
- Publisher: Takhleeqkar Publishers
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
