ye zaman-o-makan ka sitam bhi naya

Quaiser Khalid

ye zaman-o-makan ka sitam bhi naya

Quaiser Khalid

MORE BY Quaiser Khalid

    ye zamān-o-makāñ sitam bhī nayā

    terā ġham bhī nayā, merā ġham bhī nayā

    shoḳhī-e-husn shahroñ meñ yuuñ al-amāñ

    saath mausam ke badleñ sanam bhī nayā

    maslahat vaqt bhej detī hai kyuuñ

    har masarrat ke ham-rāh ram bhī nayā

    kaun lafzoñ ko detā hai ma.anī na.e

    aur mire sher ko pech-o-ḳham bhī nayā

    bad-gumānī ne tabdīl mehvar kiye

    ka.aba us to merā sanam bhī nayā

    āfrīñ āfrīñ dushman-e-jāñ mire

    terī ījād hai ye sitam bhī nayā

    dāvar-e-hashr aajiz huuñ maiñ, nahīñ

    lauh de ab na.ī aur qalam bhī nayā

    mulk-dar-mulk bhaTke, sukūñ kab milā

    chāhiye dil ko shahr-e-adam bhī nayā

    istilāh-e-jihād aaj badlī hai yuuñ

    karbalā hai na.ī aur alam bhī nayā

    lamhe lamhe tahqīq o ījād se

    mil gayā nasl-e-nau ko shikam bhī nayā

    har taraf koī jannat hai ab dahr meñ

    aur hai bāġhbān-e-iram bhī nayā

    mīThī bāteñ, kabhī talḳh lahje ke tiir

    dil pe har din hai un karam bhī nayā

    rūh-e-'jamshed' nādim hai is ahd meñ

    ab hai har haath meñ jām-e-jam bhī nayā

    hashr lamhe meñ, pal meñ sukūt-e-azal

    aah! ye vaqt zer-o-bam bhī nayā

    shaḳhsiyyat ek hai phir bhī pahlū hazār

    us bātoñ meñ hotā hai ḳham bhī nayā

    laaj 'ḳhālid' rakh le ḳhudāyā zarā!

    tujh se bāñdhe ye har din bharam bhī nayā

    ye zaman-o-makan ka sitam bhi naya

    tera gham bhi naya, mera gham bhi naya

    shoKHi-e-husn shahron mein yun al-aman

    sath mausam ke badlen sanam bhi naya

    maslahat waqt ki bhej deti hai kyun

    har masarrat ke ham-rah ram bhi naya

    kaun lafzon ko deta hai mani nae

    aur mere sher ko pech-o-KHam bhi naya

    bad-gumani ne tabdil mehwar kiye

    kaba us ka to mera sanam bhi naya

    aafrin aafrin dushman-e-jaan mere

    teri ijad hai ye sitam bhi naya

    dawar-e-hashr aajiz hun main, tu nahin

    lauh de ab nai aur qalam bhi naya

    mulk-dar-mulk bhaTke, sukun kab mila

    chahiye dil ko shahr-e-adam bhi naya

    istilah-e-jihad aaj badli hai yun

    karbala hai nai aur alam bhi naya

    lamhe lamhe ki tahqiq o ijad se

    mil gaya nasl-e-nau ko shikam bhi naya

    har taraf koi jannat hai ab dahr mein

    aur hai baghban-e-iram bhi naya

    miThi baaten, kabhi talKH lahje ke tir

    dil pe har din hai un ka karam bhi naya

    ruh-e-'jamshed' nadim hai is ahd mein

    ab hai har hath mein jam-e-jam bhi naya

    hashr lamhe mein, pal mein sukut-e-azal

    aah! ye waqt ka zer-o-bam bhi naya

    shaKHsiyyat ek hai phir bhi pahlu hazar

    us ki baaton mein hota hai KHam bhi naya

    laj 'KHalid' ki rakh le KHudaya zara!

    tujh se bandhe ye har din bharam bhi naya

    Videos
    This video is playing from YouTube

    Videos
    This video is playing from YouTube

    Quaiser Khalid

    Quaiser Khalid

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY