yun aane wale akele-pan ke liye main yaaden bana raha hun

yuuñ aane vaale akele-pan ke liye maiñ yādeñ banā rahā huuñ

ki us ke nazdīk baiTh kar kuchh fuzūl bāteñ banā rahā huuñ

udaas mausam udaas jhūle udaas phirte haiñ sab parinde

so un kī ḳhātir maiñ bāzuoñ se shajar meñ shāḳheñ banā rahā huuñ

maiñ jāntā huuñ vo ḳhud-ġharaz hai par is tabī.at kā koī hal hai

vo mere din ḳhaak kar rahā hai maiñ us kī rāteñ banā rahā huuñ

mujhe ḳhud apne badan se kirneñ nikaltī mahsūs ho rahī haiñ

maiñ canvas par hasīn laḌkī kī shoḳh āñkheñ banā rahā huuñ

kamān aabrū siyāh palkeñ gulāb aariz ġhazāl āñkheñ

hai jin se vābasta ishq merā vo saarī yādeñ banā rahā huuñ

yun aane wale akele-pan ke liye main yaaden bana raha hun

ki us ke nazdik baiTh kar kuchh fuzul baaten bana raha hun

udas mausam udas jhule udas phirte hain sab parinde

so un ki KHatir main bazuon se shajar mein shaKHen bana raha hun

main jaanta hun wo KHud-gharaz hai par is tabiat ka koi hal hai

wo mere din KHak kar raha hai main us ki raaten bana raha hun

mujhe KHud apne badan se kirnen nikalti mahsus ho rahi hain

main canwas par hasin laDki ki shoKH aankhen bana raha hun

kaman aabru siyah palken gulab aariz ghazal aankhen

hai jin se wabasta ishq mera wo sari yaaden bana raha hun