yun ba-mushkil dil-e-majruh se paikan nikla
yuuñ ba-mushkil dil-e-majrūh se paikāñ niklā
maiñ ye samjhā ki tire vasl kā armāñ niklā
dekh kar us ko dam-e-naza.a huiiñ āñkheñ band
jaan ke saath hī dīdār kā armāñ niklā
arsa-e-hashr meñ pursish jo huī us but kī
mere hī dil meñ vo ġhārat-gar-e-īmāñ niklā
dhuum sahrā-e-qayāmat kī bahut sunte the
ai junūñ vo bhī mirā ek bayābāñ niklā
ḳhaak meñ mil ga.e ham jis kī tamannā meñ 'jigar'
vo lahad par bhī sambhāle hue dāmāñ niklā
yun ba-mushkil dil-e-majruh se paikan nikla
main ye samjha ki tere wasl ka arman nikla
dekh kar us ko dam-e-naza huin aankhen band
jaan ke sath hi didar ka arman nikla
arsa-e-hashr mein pursish jo hui us but ki
mere hi dil mein wo ghaarat-gar-e-iman nikla
dhum sahra-e-qayamat ki bahut sunte the
ai junun wo bhi mera ek bayaban nikla
KHak mein mil gae hum jis ki tamanna mein 'jigar'
wo lahad par bhi sambhaale hue daman nikla
Source:
Intikhab-e-Kalam Jigar Bisvani (Pg. 15)
-
- Edition: 1986
- Publisher: Uttar Pradesh Urdu Academy, Lucknow
- Year of Publication: 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
