yun ba-zahir dekhne mein go ki be chehra hun main

yuuñ ba-zāhir dekhne meñ go ki be chehra huuñ maiñ

mujh meñ apne ḳhāl-o-ḳhat dekho ki ā.īna huuñ maiñ

jazba-e-sahra-navardī thak ke kab ruktā huuñ maiñ

paañv se kāñTā nikalne de abhī chaltā huuñ maiñ

haal zahr-ālūd maazī faut mustaqbil siyāh

aaj ke insān kī taqdīr paḌh saktā huuñ maiñ

mai-kashī to kyā bujhā pā.egī merī tishnagī

dījiye mujh ko samundar pyaas kā sahrā huuñ maiñ

vo ḳhayāloñ meñ barahna jism kyā aa.e 'naresh'

raat bhar apne badan kī aañch se sulgā huuñ maiñ

yun ba-zahir dekhne mein go ki be chehra hun main

mujh mein apne KHal-o-KHat dekho ki aaina hun main

jazba-e-sahra-nawardi thak ke kab rukta hun main

panw se kanTa nikalne de abhi chalta hun main

haal zahr-alud mazi faut mustaqbil siyah

aaj ke insan ki taqdir paDh sakta hun main

mai-kashi to kya bujha paegi meri tishnagi

dijiye mujh ko samundar pyas ka sahra hun main

wo KHayalon mein barahna jism kya aae 'naresh'

raat bhar apne badan ki aanch se sulga hun main