aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yun bhi nahin ki sham-o-sahar intizar tha

Zafar Iqbal

yun bhi nahin ki sham-o-sahar intizar tha

Zafar Iqbal

MORE BYZafar Iqbal

    yuuñ bhī nahīñ ki shām-o-sahar intizār thā

    kahte nahīñ the muñh se magar intizār thā

    muddat ke ba.ad phuul sūrat khilā thā dil

    shabnam tarah tāza-o-tar intizār thā

    bāloñ meñ dhuul paañv meñ chhāle na the magar

    phir bhī kuchh ek ranj-e-safar intizār thā

    koī ḳhabar thī us parindoñ ke shor meñ

    rañg-e-havā meñ shāḳh-o-shajar intizār thā

    yuuñ thī javāharāt lab-o-chashm jhalak

    jaise ye koī la.al-o-gohar intizār thā

    dālān-o-dar meñ ek tavaqqo.a thī mauj mauj

    dīvār-o-bām the ki bhañvar intizār thā

    aise meñ e'tibār kisī par na thā mujhe

    maiñ bhī thā saath saath jidhar intizār thā

    āñkheñ thiiñ ḳhushk ḳhushk to dil bhī thā band band

    khul nahīñ rahā thā kidhar intizār thā

    māyūs hone vaale na the ham bhī ai 'zafar'

    aayā nahīñ to bār-e-digar intizār thā

    yun bhi nahin ki sham-o-sahar intizar tha

    kahte nahin the munh se magar intizar tha

    muddat ke baad phul ki surat khila tha dil

    shabnam ki tarah taza-o-tar intizar tha

    baalon mein dhul panw mein chhaale na the magar

    phir bhi kuchh ek ranj-e-safar intizar tha

    koi KHabar thi us ki parindon ke shor mein

    rang-e-hawa mein shaKH-o-shajar intizar tha

    yun thi jawaharaat lab-o-chashm ki jhalak

    jaise ye koi lal-o-gohar intizar tha

    dalan-o-dar mein ek tawaqqoa thi mauj mauj

    diwar-o-baam the ki bhanwar intizar tha

    aise mein e'tibar kisi par na tha mujhe

    main bhi tha sath sath jidhar intizar tha

    aankhen thin KHushk KHushk to dil bhi tha band band

    khul hi nahin raha tha kidhar intizar tha

    mayus hone wale na the hum bhi ai 'zafar'

    aaya nahin to bar-e-digar intizar tha

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now