yun Dhal gaya hai dard mein darman kabhi kabhi

Josh Malihabadi

yun Dhal gaya hai dard mein darman kabhi kabhi

Josh Malihabadi

MORE BY Josh Malihabadi

    yuuñ Dhal gayā hai dard meñ darmāñ kabhī kabhī

    naġhme bane haiñ girya-e-pinhāñ kabhī kabhī

    hauñkī haiñ bād-e-sub.h rau meñ bhī āñdhiyāñ

    ublā hai sāhiloñ se bhī tūfāñ kabhī kabhī

    baḌhtā chalā gayā huuñ unhī taraf kuchh aur

    yuuñ bhī huā huuñ un se gurezāñ kabhī kabhī

    āñchoñ meñ gungunāte haiñ gulzār gaah gaah

    sho.aloñ se paT gayā hai gulistāñ kabhī kabhī

    lai se nikal paḌī hai kabhī hichkiyoñ fauj

    aaheñ banī haiñ raag unvāñ kabhī kabhī

    dāmān-e-gul-ruḳhāñ uḌā haiñ dhajjiyāñ

    phāḌā hai ham ne yuuñ bhī garebāñ kabhī kabhī

    kaliyāñ jhulas ga.ī haiñ dahakne lage haiñ phuul

    yuuñ bhī chalī hai bād-e-bahārāñ kabhī kabhī

    us vaqt bhī ki ḳhātir-e-majmūa thī nasīb

    kam-baḳht dil huā hai pareshāñ kabhī kabhī

    yun Dhal gaya hai dard mein darman kabhi kabhi

    naghme bane hain girya-e-pinhan kabhi kabhi

    haunki hain baad-e-subh ki rau mein bhi aandhiyan

    ubla hai sahilon se bhi tufan kabhi kabhi

    baDhta chala gaya hun unhi ki taraf kuchh aur

    yun bhi hua hun un se gurezan kabhi kabhi

    aanchon mein gungunate hain gulzar gah gah

    shoalon se paT gaya hai gulistan kabhi kabhi

    lai se nikal paDi hai kabhi hichkiyon ki fauj

    aahen bani hain rag ka unwan kabhi kabhi

    daman-e-gul-ruKHan ki uDa di hain dhajjiyan

    phaDa hai hum ne yun bhi gareban kabhi kabhi

    kaliyan jhulas gai hain dahakne lage hain phul

    yun bhi chali hai baad-e-bahaaran kabhi kabhi

    us waqt bhi ki KHatir-e-majmua thi nasib

    kam-baKHt dil hua hai pareshan kabhi kabhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY