yun furqaton mein sulagta hai yaad ka mausam

yuuñ furqatoñ meñ sulagtā hai yaad kā mausam

ki jaise dasht-e-junūñ jaag uTThā hai yak-dam

hameñ ḳhabar thī kabhī kaam aa hī jā.egā

jalāyā dil ko agar shaam ho ga.ī maddham

vo duur hai to yuuñ sākit huā chaman saarā

ruḳh-e-gulāb pe jaise rukī huī shabnam

junūñ meñ maañg liyā thā kamāl-e-dildārī

so izn-e-ishq hai ye fāsla rahe qaa.em

hamāre soz-e-junūñ se jo aañkh ne dekhā

hamāre biich kā har fāsla huā mub.ham

ho jaise phuul koī nālāñ apnī ḳhushbū se

tamām 'umr vo mujh se yūñhī rahā barham

nahīñ likheñge koī baat aaj 'nīlam' kī

ġhazal ke she'roñ meñ ye mashvara huā bāham

yun furqaton mein sulagta hai yaad ka mausam

ki jaise dasht-e-junun jag uTTha hai yak-dam

hamein KHabar thi kabhi kaam aa hi jaega

jalaya dil ko agar sham ho gai maddham

wo dur hai to yun sakit hua chaman sara

ruKH-e-gulab pe jaise ruki hui shabnam

junun mein mang liya tha kamal-e-dildari

so izn-e-ishq hai ye fasla rahe qaem

hamare soz-e-junun se jo aankh ne dekha

hamare bich ka har fasla hua mubham

ho jaise phul koi nalan apni KHushbu se

tamam 'umr wo mujh se yunhi raha barham

nahin likhenge koi baat aaj 'nilam' ki

ghazal ke she'ron mein ye mashwara hua baham