yun ghair kuchh kahen to bala ko buri lage
yuuñ ġhair kuchh kaheñ to balā ko burī lage
tū kuchh na kah ki ham ġhorabā ko burī lage
tañgī kare na hausla apnā kahīñ bas ab
itnī jafā na kar ki vafā ko burī lage
tujh bin ye ziist apnī hameñ yuuñ hai jis tarah
qaid-e-hayāt ahl-e-fanā ko burī lage
huuñ ḳhaak tere kūche kī ham aur apnī gard
terī galī se aah sabā ko burī lage
ham to saheñge vo bhī pa lāzim nahīñ tujhe
is naaz kī jafā jo adā ko burī lage
hai be-hayā.ī had se jo garmī zyāda ho
shoḳhī bahut to mard-o-nisā ko burī lage
chuuñ ā.īna dil apnā kudūrat se saaf rakh
gard-e-malāl ahl-e-safā ko burī lage
har dam javāb saaf muravvat se hai ba.iid
vo baat tū na kar ki hayā ko burī lage
us but kī bandagī se na āzād ho 'hasan'
ye baat bhī kahīñ na ḳhudā ko burī lage
yun ghair kuchh kahen to bala ko buri lage
tu kuchh na kah ki hum ghoraba ko buri lage
tangi kare na hausla apna kahin bas ab
itni jafa na kar ki wafa ko buri lage
tujh bin ye zist apni hamein yun hai jis tarah
qaid-e-hayat ahl-e-fana ko buri lage
hun KHak tere kuche ki hum aur apni gard
teri gali se aah saba ko buri lage
hum to sahenge wo bhi pa lazim nahin tujhe
is naz ki jafa jo ada ko buri lage
hai be-hayai had se jo garmi zyaada ho
shoKHi bahut to mard-o-nisa ko buri lage
chun aaina dil apna kudurat se saf rakh
gard-e-malal ahl-e-safa ko buri lage
har dam jawab saf murawwat se hai baid
wo baat tu na kar ki haya ko buri lage
us but ki bandagi se na aazad ho 'hasan'
ye baat bhi kahin na KHuda ko buri lage
Source:
Deewan-e-Meer Hasan (Pg. 140)
- Author: Meer Hasan
-
- Edition: 1912
- Publisher: Munshi Nawal Kishor, Lucknow
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.