yun giri barq yahan shams-o-qamar TuT gae

yuuñ girī barq yahāñ shams-o-qamar TuuT ga.e

sang barse to hasīñ kāñch ke ghar Tuut ga.e

vo taḳhayyul vo mire ḳhvāboñ tamannāoñ ke

āñdhiyāñ tez chalīñ aur samar Tuut ga.e

ham tirī 'ishq kī nagrī ke musāfir Thahre

so hameñ dekh pashemānī ke par Tuut ga.e

Tuut jaane kā karo shikva na ham se hamdam

tum jo TuuTe ho udhar ham bhī idhar Tuut ga.e

sar-e-sāhil jo banā.e the baḌī ulfat se

ek jhoñke se vahī ret ke ghar Tuut ga.e

yun giri barq yahan shams-o-qamar TuT gae

sang barse to hasin kanch ke ghar Tut gae

wo taKHayyul wo mere KHwabon tamannaon ke

aandhiyan tez chalin aur samar Tut gae

hum teri 'ishq ki nagri ke musafir Thahre

so hamein dekh pashemani ke par Tut gae

Tut jaane ka karo shikwa na hum se hamdam

tum jo TuTe ho udhar hum bhi idhar Tut gae

sar-e-sahil jo banae the baDi ulfat se

ek jhonke se wahi ret ke ghar Tut gae