yun hasraton ki gard mein tha dil aTa hua

yuuñ hasratoñ kī gard meñ thā dil aTā huā

jaise daraḳht se koī pattā girā huā

ho hī gayā hai nabz-shanās-e-ġham-e-jahāñ

siine meñ ishq ke mirā dil kāñptā huā

miltā surāġh-e-ḳhāk mujhe mere saa.e kā

har samt zulmatoñ kā thā jañgal ugā huā

kal raat ḳhvāb meñ jo muqābil thā aa.ina

merā hī qad mujhe nazar aayā baḌhā huā

jaane bhī do vo chāñd nahīñ hogā koī aur

pāmāl aadmī jo huā chāñd kyā huā

bāhar ke shor-o-ġhul hī se shāyad vo bol uThe

baiThā hai kab se chup koī andar chhupā huā

panchhī uḌā to ḳhatm bhī ho jā.egā 'ziyā'

sāñsoñ ke āne-jāne kā tāñtā bañdhā huā

yun hasraton ki gard mein tha dil aTa hua

jaise daraKHt se koi patta gira hua

ho hi gaya hai nabz-shanas-e-gham-e-jahan

sine mein ishq ke mera dil kanpta hua

milta suragh-e-KHak mujhe mere sae ka

har samt zulmaton ka tha jangal uga hua

kal raat KHwab mein jo muqabil tha aaina

mera hi qad mujhe nazar aaya baDha hua

jaane bhi do wo chand nahin hoga koi aur

pamal aadmi jo hua chand kya hua

bahar ke shor-o-ghul hi se shayad wo bol uThe

baiTha hai kab se chup koi andar chhupa hua

panchhi uDa to KHatm bhi ho jaega 'ziya'

sanson ke aane-jaane ka tanta bandha hua