yun jaun paDh kar lahu ugalne ki mujhse sharten na bandh lena

yuuñ 'jaun' paḌh kar lahū ugalne kī mujh se sharteñ na bāñdh lenā

ġharaz ke bejā gumān par tum yaqīñ kī girheñ na bāñdh lenā

tavīl rasta safar hai mushkil asāsa kam hī rakho to behtar

so aisā karnā ki apne dāman meñ merī nazmeñ na bāñdh lenā

ubal rahā hai jo ek chashma vo bahr-e-āzam banegā ik din

kisī kināre ki chaah meñ tum bas apnī maujeñ na bāñdh lenā

jahāñ kī ḳhātir ai jān-e-jānāñ jo sang-dil tum bane phire ho

mile mohabbat to piiTh pīchhe ḳhud apnī bāheñ na bāñdh lenā

yun 'jaun' paDh kar lahu ugalne ki mujh se sharten na bandh lena

gharaz ke beja guman par tum yaqin ki girhen na bandh lena

tawil rasta safar hai mushkil asasa kam hi rakho to behtar

so aisa karna ki apne daman mein meri nazmen na bandh lena

ubal raha hai jo ek chashma wo bahr-e-azam banega ek din

kisi kinare ki chah mein tum bas apni maujen na bandh lena

jahan ki KHatir ai jaan-e-jaanan jo sang-dil tum bane phire ho

mile mohabbat to piTh pichhe KHud apni bahen na bandh lena