aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yun KHush-guman rakkha gaya umar bhar mujhe

Nadeem Fazli

yun KHush-guman rakkha gaya umar bhar mujhe

Nadeem Fazli

MORE BYNadeem Fazli

    yuuñ ḳhush-gumān rakkhā gayā umar bhar mujhe

    har shaam se malī hai naved-e-sahar mujhe

    maiñ thā jo hadd-e-jism se aage na baḌh sakā

    vo le gayā badan se mire chhīn kar mujhe

    maiñ zaa.e.a ho chukā huuñ bahut khel khel meñ

    ai vaqt ab na aur lagā daav par mujhe

    mere liye qazā hai abhī dā.imī hayāt

    kuchh log chāhte haiñ abhī TuuT kar mujhe

    honā hai mo'tabar mujhe apnī nigāh meñ

    kab e'tibār baḳhshegī terī nazar mujhe

    merī tarah 'nadīm' use hichkiyāñ na aa.eñ

    jo sochtā hai raat kai pichhle pahar mujhe

    yun KHush-guman rakkha gaya umar bhar mujhe

    har sham se mali hai nawed-e-sahar mujhe

    main tha jo hadd-e-jism se aage na baDh saka

    wo le gaya badan se mere chhin kar mujhe

    main zaea ho chuka hun bahut khel khel mein

    ai waqt ab na aur laga daw par mujhe

    mere liye qaza hai abhi daimi hayat

    kuchh log chahte hain abhi TuT kar mujhe

    hona hai mo'tabar mujhe apni nigah mein

    kab e'tibar baKHshegi teri nazar mujhe

    meri tarah 'nadim' use hichkiyan na aaen

    jo sochta hai raat kai pichhle pahar mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now