yun muKHatib na hon kah kar mujhe ulTa sidha

yuuñ muḳhātib na hoñ kah kar mujhe ulTā sīdhā

naam le sakte nahīñ aap mirā kyā sīdhā

'mīr' ke ḳhaas murīd aap haiñ ham maan ga.e

koī shāgird nahīñ aap kā chaltā sīdhā

ham zamīñ par haiñ numā.inda ḳhudā ke nāseh

kījiye aap kisī aur kā qibla sīdhā

nāma-bar ko jo shahīd us ne kiyā achchhā kiyā

ḳhat mirā huur talak ḳhuld meñ pohñchā sīdhā

is tarah ḳhvār na hotā mirī jaañ lene ko

us ke dil meñ malak-ul-maut jo jaatā sīdhā

ham gunahgār hue hazrat-e-zāhid kyūñkar

na kiyā ham ne jo ulTā huā juutā sīdhā

vo to kahiye ki hadaf aap hilā hogā kahīñ

aap ne varna nishāna to liyā thā sīdhā

vo bhī tanqīd kiyā karte haiñ ham par 'hāris'

misra' paḌhnā nahīñ aatā jinheñ sīdhā sīdhā

yun muKHatib na hon kah kar mujhe ulTa sidha

nam le sakte nahin aap mera kya sidha

'mir' ke KHas murid aap hain hum man gae

koi shagird nahin aap ka chalta sidha

hum zamin par hain numainda KHuda ke naseh

kijiye aap kisi aur ka qibla sidha

nama-bar ko jo shahid us ne kiya achchha kiya

KHat mera hur talak KHuld mein pohncha sidha

is tarah KHwar na hota meri jaan lene ko

us ke dil mein malak-ul-maut jo jata sidha

hum gunahgar hue hazrat-e-zahid kyunkar

na kiya hum ne jo ulTa hua juta sidha

wo to kahiye ki hadaf aap hila hoga kahin

aap ne warna nishana to liya tha sidha

wo bhi tanqid kiya karte hain hum par 'haaris'

misra' paDhna nahin aata jinhen sidha sidha