yun na ranj-o-malal kijiyega
yuuñ na ranj-o-malāl kījiyegā
yuuñ na jiinā muhāl kījiyegā
jin kā koī javāb mumkin ho
ham se aise savāl kījiyegā
ham ne ho aap kā burā chāhā
pesh koī misāl kījiyegā
log paḌ jaa.eñ jis se hairat meñ
aisā bhī kuchh kamāl kījiyegā
ham ki sambhle haiñ saḳht mushkil se
ab na paidā vabāl kījiyegā
jis se mazbūt dil ke rishte hoñ
vo ta'alluq bahāl kījiyegā
jī rahī hai ye kaise 'robīna'
apnī kuchh dekh-bhāl kījiyegā
yun na ranj-o-malal kijiyega
yun na jina muhaal kijiyega
jin ka koi jawab mumkin ho
hum se aise sawal kijiyega
hum ne ho aap ka bura chaha
pesh koi misal kijiyega
log paD jaen jis se hairat mein
aisa bhi kuchh kamal kijiyega
hum ki sambhle hain saKHt mushkil se
ab na paida wabaal kijiyega
jis se mazbut dil ke rishte hon
wo ta'alluq bahaal kijiyega
ji rahi hai ye kaise 'robina'
apni kuchh dekh-bhaal kijiyega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
