yun to apni duniya mein pahchan nahin

yuuñ to apnī duniyā meñ pahchān nahīñ

sach kahtā huuñ maiñ chāhe tū maan nahīñ

khul kar bolo jo bhī tum ko kahnā hai

mere ghar kī dīvāroñ ke kaan nahīñ

kamzoroñ par apnā zor chalā.e jo

merī nazar meñ yāroñ vo balvān nahīñ

sher kahe haiñ ham ne kuchh TūTe-phūTe

apnā 'ġhālib' jaisā to dīvān nahīñ

jo chāho āsānī se ban jāoge

shā.ir banñā itnā bhī āsān nahīñ

ḳhālī haath bulāoge aur paḌh degā

itnā sastā shā.ir to 'irfān' nahīñ

yun to apni duniya mein pahchan nahin

sach kahta hun main chahe tu man nahin

khul kar bolo jo bhi tum ko kahna hai

mere ghar ki diwaron ke kan nahin

kamzoron par apna zor chalae jo

meri nazar mein yaron wo balwan nahin

sher kahe hain hum ne kuchh TuTe-phuTe

apna 'ghaalib' jaisa to diwan nahin

jo chaho aasani se ban jaoge

shair banna itna bhi aasan nahin

KHali hath bulaoge aur paDh dega

itna sasta shair to 'irfan' nahin