yun to jahan-panah ke maddah kam na the

yuuñ to jahāñ-panāh ke maddāh kam na the

achchhā huā zamīr-faroshoñ meñ ham na the

jo ranj mīr-e-shahr ko pohñchā vo ranj thā

jo ġham kisī ġharīb ne jhele vo ġham na the

āvāz de rahī thiiñ unheñ manzileñ magar

vo kyā qadam baḌhāte jo sābit-qadam na the

ik daur vo thā jab tah-e-teġh-e-asar the ham

yuuñ haath meñ qalam the ki jaise qalam na the

apnī hadoñ meñ apnā ujālā rahā ki ham

dahlīz kā diyā the charāġh-e-haram na the

fikr-e-jahāñ ne toḌ diyā varna ai 'bashīr'

ā.īna-sāz ham bhī zamāne meñ kam na the

yun to jahan-panah ke maddah kam na the

achchha hua zamir-faroshon mein hum na the

jo ranj mir-e-shahr ko pohncha wo ranj tha

jo gham kisi gharib ne jhele wo gham na the

aawaz de rahi thin unhen manzilen magar

wo kya qadam baDhate jo sabit-qadam na the

ek daur wo tha jab tah-e-tegh-e-asar the hum

yun hath mein qalam the ki jaise qalam na the

apni hadon mein apna ujala raha ki hum

dahliz ka diya the charagh-e-haram na the

fikr-e-jahan ne toD diya warna ai 'bashir'

aaina-saz hum bhi zamane mein kam na the