yun to mahrum koi bazm mein mai-KHwar nahin

yuuñ to mahrūm koī bazm meñ mai-ḳhvār nahīñ

haañ magar merī taraf chashm-e-fusūñ-kār nahīñ

nāsehā maiñ bhī tirī tarah na baktā kyā kyā

vo to kahiye ki maiñ dīvāna huuñ hushiyār nahīñ

husn-e-rangīñ ke tasavvur ne jalā diiñ sham.eñ

har taraf nuur barastā rahe shab-tār nahīñ

marne vaale kī mohabbat ke the munkir kal tak

aaj iqrār hī iqrār hai inkār nahīñ

lījiye lījiye vo Duub ga.ī nabz-e-marīz

ā.īye ā.īye ab aap kā bīmār nahīñ

us ne Thukrā diyā sad-haif ye kah kar 'paikar'

ek TuuTe hue dil kā maiñ ḳharīdār nahīñ

yun to mahrum koi bazm mein mai-KHwar nahin

han magar meri taraf chashm-e-fusun-kar nahin

naseha main bhi teri tarah na bakta kya kya

wo to kahiye ki main diwana hun hushiyar nahin

husn-e-rangin ke tasawwur ne jala din shamen

har taraf nur barasta rahe shab-tar nahin

marne wale ki mohabbat ke the munkir kal tak

aaj iqrar hi iqrar hai inkar nahin

lijiye lijiye wo Dub gai nabz-e-mariz

aaiye aaiye ab aap ka bimar nahin

us ne Thukra diya sad-haif ye kah kar 'paikar'

ek TuTe hue dil ka main KHaridar nahin