yun to zahmat se likhe jate hain hum

yuuñ to zahmat se likhe jaate haiñ ham

ḳhair misroñ meñ kahāñ aate haiñ ham

zehn meñ chīḳheñ rakhā karte haiñ par

us kī ḳhāmoshī se ghabrāte hai ham

ab kareñ jhagḌā munāsib hī nahīñ

ishq meñ būḌhe hue jaate haiñ ham

hosh meñ aate hī ho jaate haiñ chup

aur be-hoshī meñ chillāte haiñ ham

kis tarah kī vus.ateñ rakhtā hai tū

kis tarah tujh meñ samā paate haiñ ham

apne āñgan meñ parinde dekh kar

jism kī Tahnī se uḌ jaate haiñ ham

dukh ginātī hai vo laḌkī ishq meñ

phir use kuchh der bahlāte haiñ ham

dekhnā hai kis kahānī ke liye

kaun sā kirdār apnāte haiñ ham

yun to zahmat se likhe jate hain hum

KHair misron mein kahan aate hain hum

zehn mein chiKHen rakha karte hain par

us ki KHamoshi se ghabraate hai hum

ab karen jhagDa munasib hi nahin

ishq mein buDhe hue jate hain hum

hosh mein aate hi ho jate hain chup

aur be-hoshi mein chillate hain hum

kis tarah ki wusaten rakhta hai tu

kis tarah tujh mein sama pate hain hum

apne aangan mein parinde dekh kar

jism ki Tahni se uD jate hain hum

dukh ginati hai wo laDki ishq mein

phir use kuchh der bahlate hain hum

dekhna hai kis kahani ke liye

kaun sa kirdar apnate hain hum