yun tu har chhab wo nirali wo fusun-saz ki bas

yuuñ tū har chhab vo nirālī vo fusūñ-sāz ki bas

haa.e vo ek nigāh-e-ġhalat-andāz ki bas

dekhne vaalo zarā rañg kā parda to haTāo

sīna-e-gul pe hai zaḳhmoñ kā vo andāz ki bas

dil ke dāġhoñ ko chhupāyā to ubhar aa.e aur

rāzdārī hī ne yuuñ khol diye raaz ki bas

ham ne baḳhshī hai zamāne ko nazar aur hameñ

yuuñ zamāne ne kiyā hai nazar-andāz ki bas

ranj-o-ġham ishq-o-junūñ dard-o-ḳhalish soz-o-firāq

aise aise mile 'ḳhāvar' hameñ dam-sāz ki bas

yun tu har chhab wo nirali wo fusun-saz ki bas

hae wo ek nigah-e-ghalat-andaz ki bas

dekhne walo zara rang ka parda to haTao

sina-e-gul pe hai zaKHmon ka wo andaz ki bas

dil ke daghon ko chhupaya to ubhar aae aur

raazdari hi ne yun khol diye raaz ki bas

hum ne baKHshi hai zamane ko nazar aur hamein

yun zamane ne kiya hai nazar-andaz ki bas

ranj-o-gham ishq-o-junun dard-o-KHalish soz-o-firaq

aise aise mile 'KHawar' hamein dam-saz ki bas